Велосипедска тура во сеќавање на жртвите и за поддршка на повредените од трагедијата во „Пулс” се одржа денеска во Кочани, со учество на околу 500 велосипедисти и рекреативци од Кочани и други градови.

Рутата започна од Паркот на Револуцијата, продолжувајќи низ Оризари, Прибачево, Грдовци, Мојаници, Подлог и покрај местото на трагедијата „Пулс”, завршувајќи повторно во Паркот на Револуцијата.

Градоначалникот на Општина Кочани, Владко Грозданов, им се обрати на учесниците пред стартот на турата. Настанот е дел од повеќедневна програма со која се одбележува годишнината од трагичниот пожар.

Велосипедската тура претставува израз на солидарност со семејствата на загинатите и со повредените кои сеуште се борат со последиците од тешките повреди здобиени во катастрофата.