Српскиот претседател Александар Вучиќ остро му возврати на хрватскиот претседател Зоран Милановиќ по неговите коментари за воорожувањето на Србија.

„Јас сум Александар Вучиќ и сум горд претседател на Србија. Нема хрватски претседател ниту било кој друг да ми кажува што ќе зборувам”, порача Вучиќ, одбивајќи го надворешниот притисок во врска со неговите јавни изјави.

Размената на остри зборови е фокусирана на сугестијата на Милановиќ дека Вучиќ треба повнимателно да ги следи своите изјави околу српското воено јакнење.

Српскиот лидер истакна дека неговата земја се залага за мир и подобрени регионални односи и покрај минатите несогласувања, но истовремено ќе продолжи да ги зајакнува одбранбените капацитети независно од надворешни мешања.