Грчкиот премиер Киријакос Мицотакис потврди дека грчкиот систем Патриот пресретнал ирански ракети насочени кон рафинерија во Саудиска Арабија, нагласувајќи дека станува збор за „строго одбранбена акција”.

Мицотакис објасни дека системот Патриот е распореден во Саудиска Арабија од 2021 година за заштита на критичната енергетска инфраструктура, во рамки на билатерални одбранбени договори.

„Мораме да направиме максимални напори за да обезбедиме ова да остане енергетски шок, а не да прерасне во долготрајна криза”, изјави грчкиот премиер во врска со економските последици од конфликтот.

Мицотакис ги отфрли загриженостите за поголема грчка вмешаност во регионалните конфликти, тврдејќи дека донесувањето дополнителни заклучоци би било преурането.