Над 50 лица се повредени, а 14 се водат за исчезнати по пожар кој избувна во фабрика за автоделови во градот Деџон во Јужна Кореја, на околу 160 километри јужно од Сеул.

Според извештаите, 35 лица се во критична состојба. Националната противпожарна служба прогласи национална мобилизација, а околу 240 пожарникари се распоредени за гаснење на пожарот.

Премиерот на Јужна Кореја, Ким Мин-сеок, нареди приоритет да се даде на спасување животи. Причините за пожарот сè уште се испитуваат.