Словенечката министерка за надворешни работи Тања Фајон изјави дека израелскиот закон за смртна казна претставува „јасна форма на дискриминација” против Палестинците.

Фајон нагласи дека сите поединци треба да одговараат подеднакво за терористички дела, но дека смртната казна не е соодветно решение. „Безбедноста не може да се гради на дискриминација, а правдата не може да постои без фер однос”, истакна таа.

Израелскиот Кнесет го усвои контроверзниот закон низ второ и трето читање со 62 гласа за и 48 против, плус едно воздржување. Законот предвидува смртна казна за палестински затвореници осудени за терористички дела, додека слични обвиненија во Израел се казнуваат со затвор. Премиерот Бенјамин Нетанјаху гласал за усвојување на мерката.

Словенија е меѓу ретките европски земји кои отворено го критикуваа овој чекор, оценувајќи го како дискриминаторски и спротивен на меѓународните стандарди за човекови права.