FBI hapi hetim kundër gazetares së New York Times Elizabeth Williamson - sepse shkruajti artikull për drejtorin e FBI-së Kash Patel. Konkretisht, për përdorimin e burimeve zyrtare për sigurimin e mbrojtjes qeveritare dhe transportit për të dashurën e tij Alexis Wilkins.

Agjentët intervistuan Wilkins dhe kërkuan në baza të dhënash për informacione rreth gazetares - për të përcaktuar nëse kishte shkelur ligjet federale të ndjekjes dhe ngacmimit. Disa zyrtarë të Ministrisë së Drejtësisë shprehën shqetësim se hetimi ishte hakmarrje për artikullin që nuk i kishte pëlqyer Patelit. Arritën në përfundimin se nuk kishte bazë ligjore dhe e ndaluan.

Williamson ndoqi praktikat standarde gazetareske: një telefonatë me Wilkins, shkëmbim emailesh, kërkim burimesh - të cilat Wilkins refuzoi t'i jepte. Nuk u takuan kurrë personalisht.

Redaktori i Times, Joseph Kahn, reagoi ashpër: "Kjo është shkelje flagrante e Amendamentit të Parë dhe është alarmante, antikushtetuese dhe e gabuar."

Artikulli i shkurtit zbuloi se Wilkins kishte marrë mbrojtje të vazhdueshme nga ekipe speciale taktike - në koncerte, në sallone parukerie, kudo. Me paratë e taksapaguesve, sigurisht. A është problemi artikulli apo ajo çfarë artikulli zbulon?