Kryeministri sllovak Robert Fico dëshiron të shkojë në Moskë më 9 maj - Ditën e Fitores. Lituania dhe Letonia i ndaluan fluturimin mbi territorin e tyre. "Pse? Shtetet anëtare të BE-së nuk lejojnë kryeministrin e një shteti tjetër anëtar të fluturojë mbi hapësirën e tyre ajrore", pyeti Fico, dukshëm i befasuar se dikush në Evropë i vendos kufij.

Kjo nuk është hera e parë. Vitin e kaluar Estonia e bllokoi. Fico thotë se do të gjejë rrugë tjetër - dhe sigurish do ta gjejë. Pyetja nuk është nëse do të arrijë në Moskë, por çfarë lloj BE-je është ajo ku një kryeministër sistematikisht e thyen konsensusin e Unionit, dhe përgjigja e vetme është ndalesë fluturimi.

Fico dhe i munduri së fundmi Viktor Orban konsiderohen aleatët më të afërt të Rusisë në BE. Orban humbi nga Peter Magyar në zgjedhjet e 12 prillit. Sllovakia dhe Hungaria në mënyrë të përsëritur i kundërshtuan përpjekjet e BE-së për mbështetje shtesë ndaj Kievit.

Ministri sllovak i jashtëm Juraj Blanar njoftoi se Sllovakia do të vendosë veto ndaj paketës së 20-të të sanksioneve kundër Rusisë - përveç nëse Bratislava merr garanci për naftësjellësin "Druzhba", përmes të cilit nafta ruse arrin në Sllovaki përmes Ukrainës.

Pra: Fico dëshiron në paradë në Moskë, tre shtete baltike e bllokojnë, dhe njëkohësisht e kushtezon gjithë Evropën me veto ndaj sanksioneve. Ballkani shikon dhe pyet - a është BE komunitet vlerash ose klub ku secili luan për vete?