Kina i bën thirrje Iranit të vazhdojë lundrimin normal nëpër Ngushticën e Hormuzit - dhe njëkohësisht i quan lëvizjet amerikane "të rrezikshme". Mesazh i dyfishtë nga Pekini: duam paqe, por Amerika është fajtore.

Ministrat e jashtëm të Kinës dhe Iranit diskutuan për dinamikën e paqes në Lindjen e Mesme. Pekini publikisht kërkon zgjidhje diplomatike, por pas dyerve të mbyllura - sa larg është i gatshëm të shtyjë Teheranin?

Për Kinën, Hormuzi është linjë jetësore. Një pjesë e madhe e importit kinez të naftës kalon nëpër atë ngushticë. Çdo mbyllje godet drejtpërdrejt ekonominë kineze. Prandaj Pekini balancon: kritikon Amerikën publikisht, ndërsa privatisht i bën presion Iranit të mos e provokojë Trumpin.

Në fund, Hormuzi nuk është vetëm problem amerikan-iranian. Është një ngushticë globale ku çdo gabim mund t'i ngrejë çmimet e naftës për të gjithë - përfshirë edhe Ballkanin dhe "gjendjet e tij të krizës" të përjetshme me derivate.