Mediat kroate e quajtën "Peter Magyar-i serb". Vladan Gjoqiç, politikan opozitar serb, u krahasua me liderin opozitar hungarez që e mundi Orbanin në zgjedhjet e 12 prillit. Mesazhi është i drejtpërdrejtë: nëse funksionoi në Budapest, mund të funksionojë edhe në Beograd.

"Jutarnji list" kroat botoi analizë me titull që nuk lë vend për dyshim: "Fund i kërkimit për lider: A është Vladan Gjoqiç njeriu që do ta rrëzojë Vuçiçin?" Për standardet ballkanike, kjo nuk është gazetari - kjo është mesazh.

Krahasimi me Magyar-in nuk është i rastësishëm. Pas fitores së tij, pjesë e lëvizjeve opozitare evropiane e shohin Hungarinë si model - dëshmi se liderët afatgjatë mund të bien nëse gjendet kandidati i duhur. A vlen kjo edhe për Serbinë? Analistët kroatë dukshëm mendojnë se po.

Nga ana tjetër, akuzat janë pasqyrë e tensioneve: pala serbe pretendon se Kroacia dhe shërbimet e saj të inteligjencës i kanë mbështetur lëvizjet opozitare që nga fillimi i protestave rrugore, kanë dhënë strehim personave të akuzuar për terrorizëm dhe kanë organizuar ngjarje me figura të shquara antiserbe.

I njëjti Ballkan, emra të rinj, lojëra të vjetra. Kur fqinji të thotë kush duhet të jetë lideri yt - a është kjo solidaritet demokratik ose ndërhyrje gjeopolitike? Në Ballkan, përgjigja varet ekskluzivisht nga kush pytet dhe kush është i pyetur.