Agjencia për mbështetje financiare në bujqësi dhe zhvillim rural dhe Institucioni Publik Parku Kombëtar „Pelister“ nënshkruan kontratë për sigurimin dhe shfrytëzimin e mjeteve shtetërore për mbrojtjen, menaxhimin dhe zhvillimin e qëndrueshëm të parkut. Kontratën e nënshkruan drejtoresha e Agjencisë, Daniela Irotova Lazareva, dhe drejtori i parkut, Ivanço Toshevski.

Lista e qëllimeve është e gjatë. Paratë do të shkojnë për mbrojtjen e vlerave natyrore dhe biodiversitetit, monitorimin e llojeve dhe habitateve, parandalimin dhe mbrojtjen nga zjarret në pyje, mirëmbajtjen e infrastrukturës së gjelbër, rregullimin e shtigjeve dhe objekteve të qasjes, edukimin ekologjik, zhvillimin e ekoturizmit, blerjen e pajisjeve dhe sanimin e objekteve të parapara në planet e parkut. Mjetet, theksohet, do të përdoren „ekskluzivisht“ për këtë.

Ajo që mungon në kumtesë është - sa. As shuma, as afati, as përparësia mes dhjetë qëllimeve. Për parkun kombëtar më të vjetër në Maqedoni, të shpallur që në vitin 1948, kjo nuk është pyetje e vogël: a bëhet fjalë për para që do të thonë ekipe të reja kundër zjarreve dhe shtigje të rregulluara, apo për një shumë që mezi do t'i mbulojë pajisjet?

Pelisteri është pasuri që Pellagonia e ka para syve çdo ditë. Pikërisht për këtë, publiku ka të drejtë të dijë me sa e ruan vërtet shteti.