Камала Харис го кажа она што половина Америка го мисли, а малкумина се осмелуваат да го изговорат: Бенјамин Нетанјаху го вовлече Трамп во војна. „Тој беше вовлечен во војна во која Биби Нетанјаху го навлече, да бидеме јасни – влезе во војна која американскиот народ не ја сака и со тоа ги загрози американските војници”, изјави поранешната потпретседателка на настап во Детроит.

Харис отиде и чекор подалеку: ја нарече воената операција „Епска фурија” – „слаб обид за одвлекување внимание од досиејата на Епстајн”. Администрацијата на Трамп ја опиша како „најкорумпирана, најбезчувствителна и најнекомпетентна во историјата на САД”.

Но најостриот удар беше за кредибилитетот на Америка: „Овој претседател е првиот претседател на САД од која било партија од Втората светска војна наваму кој ја напушти американската одговорност да ги негува и штити сојузите”. Трамп, според Харис, е првиот кој „отворено го отфрла значењето на почитувањето на меѓународните правила и норми како суверенитет и територијален интегритет”.

Резултатот? Америка станала „непредвидлив партнер” кој „го изгубил влијанието во дискусиите за важни прашања”. За Балканот, ова не е апстрактна политичка дебата – кога најголемата светска сила ги менува правилата на секои четири години, секој мал народ плаќа цена за таа непредвидливост.