Kamala Harris tha atë që gjysma e Amerikës e mendon por pak kush guxon ta thotë me zë: Benjamin Netanjahu e tërhoqi Trampin në luftë. "Ai u tërhoq në një luftë në të cilën Bibi Netanjahu e futi, të jemi të qartë - hyri në një luftë që populli amerikan nuk e dëshiron dhe me këtë i rrezikoi ushtarët amerikanë", deklaroi ish-zëvendëspresidentja në një ngjarje në Detroit.

Harris shkoi edhe më larg: e quajti operacionin ushtarak "Furia Epike" - "përpjekje e dobët për të larguar vëmendjen nga dosjet e Epstajnit". Administratën e Trampit e përshkroi si "më të korruptuarën, më të pamëshirshmen dhe më të paaftën në historinë e SHBA-së".

Por goditja më e mprehtë ishte për kredibilitetin e Amerikës: "Ky president është presidenti i parë i SHBA-së nga cilado parti që nga Lufta e Dytë Botërore që e braktisi përgjegjësinë amerikane për të ushqyer dhe mbrojtur aleanccat". Trampi, sipas Harris, është i pari që "haptas e refuzon rëndësinë e respektimit të rregullave ndërkombëtare si sovraniteti dhe integriteti territorial".

Rezultati? Amerika u bë "partner i paparashikueshëm" që "e humbi ndikimin që dikur kishte në diskutimet për çështje të rëndësishme". Për Ballkanin, kjo nuk është debatë abstrakte politike - kur fuqia më e madhe botërore i ndryshon rregullat çdo katër vjet, çdo komb i vogël paguan çmimin e asaj paparashikueshmërie.