Поранешен ученик влезе со пумп-пушка во средно училиште во градот Сиверек, во провинцијата Шанлиурфа во југоисточна Турција, и рани најмалку 16 лица. Потоа се самоуби.

Меѓу повредените: четири наставници, десет ученици, еден полицаец и еден вработен во кантината. „За среќа, нема загинати,” изјави гувернерот Хасан Шилпак.

Напаѓачот, роден 2007 година, бил поранешен ученик кој ја посетувал школата до деветто одделение пред да се запише во друго средно училиште. Кога сфатил дека полицијата го опкружува, си го одзеде животот со сопственото оружје.

Шилпак призна дека училиштето, врз основа на проценка на ризик, не било класифицирано како високо-ризично и затоа немало постојано полициско присуство. Причините за нападот сè уште се истражуваат.

Нападот го најавил на социјалните мрежи со порака „Подгответе се.” Познат образец – манифест пред хорор. Секогаш пост-фактум се прашуваме: „Зошто никој не реагираше?” Одговорот е секогаш ист: затоа што никој не гледаше.