Një ish-nxënës hyri me pushkë pompe në një shkollë të mesme në qytetin Siverek, në provincën Shanliurfa në Turqinë jugolindore, dhe plagosi të paktën 16 persona. Pastaj vrau veten.

Ndër të plagosunit: katër mësues, dhjetë nxënës, një polic dhe një punonjës i kantinës. "Për fat, nuk ka të vdekur," deklaroi guvernatori Hasan Shilpak.

Sulmuesi, i lindur në vitin 2007, ishte ish-nxënës që e kishte ndjekur shkollën deri në klasën e nëntë para se të regjistrohej në një shkollë tjetër të mesme. Kur kuptoi se policia po e rrethonte, e drejtoi armën kundër vetvetes.

Shilpak pranoi se shkolla, bazuar në vlerësimin e rrezikut, nuk ishte klasifikuar si me rrezik të lartë dhe prandaj nuk kishte prezencë të përhershme policore. Shkaqet e sulmit ende po hetohen.

Sulmin e kishte njoftuar në rrjetet sociale me mesazhin "Përgatituni." Model i njohur - manifest para horrorit. Gjithmonë pas ngjarjes pyesim: "Pse askush nuk reagoi?" Përgjigjja është gjithmonë e njëjtë: sepse askush nuk po shikonte.