Рускиот министер за надворешни работи Сергеј Лавров на Дипломатскиот форум во Анталија повторно го извади козот што Западот најмногу сака да го заборави: Косово. „Западот ја призна независноста на таканареченото Косово без да го земе предвид територијалниот интегритет на Србија, но постојано се повикува на територијалниот интегритет на Украина кога станува збор за Крим и Донбас”, изјави Лавров.

Еден стандард кога се признава независност, друг кога се негира правото на самоопределување. Ова не е нова теза – но прашањето е зошто по толку години сè уште нема одговор.

Лавров откри и нешто конкретно: „Пред повеќе од 10 години побаравме од Западот да ни го покаже правилникот што сите треба да го следат. Тој не постои.” Правила има – но само кога одговараат. Жителите на Крим го одбија украинското владеење на референдум, Европа го одби. Територијален интегритет, викаа. Принцип кој чудно отсуствуваше кога Косово се отцепуваше без каков било референдум.

Лавров учествуваше на форумот како специјален гостин, каде имаше и затворени разговори со турскиот министер за надворешни работи Хакан Фидан. Форумот, одржан од 17 до 19 април, со наслов „Надминување на неизвесноста при планирање на иднината”, привлече делегации од над 150 земји, вклучувајќи 22 шефови на држави и влади.

За Балканот, пораката на Лавров е едноставна: вашиот случај не е заборавен – само се користи селективно. Дали некој во Скопје, Белград или Приштина верува дека „меѓународниот поредок заснован на правила” навистина важи за сите подеднакво?