„Лебедово езеро“ во Националната опера и балет на 21 ноември – балетот на Чајковски со Наташа Трендафилова Гицев и Балаж Лочеи

„Лебедово езеро“ од Петар Илич Чајковски на 21 ноември во 19:30 часот се игра во Националната опера и балет во Скопје. Двојната улога на Одета и Одилија ја игра Наташа Трендафилова Гицев, принцот Зигфрид е Балаж Лочеи, а Ротбарт Дмитро Чеботар. Со оркестарот диригира Едуард Амбарцумјан од Ерменија.

Балетот што денес е синоним за жанрот првпат е изведен во Москва во 1877 година. Скопската поставка е на украинскиот кореограф Виктор Јаременко, со сценографија на Андреј Злобин и костими на Гана Ипатиева. Значајно за оваа верзија е воведот: младиот Зигфрид заспива мечтаејќи за девојка во бело, а волшебникот на злото Ротбарт решава да докаже дека вистинската љубов е само измислица на писателите, поетите и уметниците. Цинизам што и денес не звучи застарено.

На сцена се солистите, балетскиот ансамбл и оркестарот на куќата, што е повеќе луѓе отколку на кој било клупски концерт во градот, а билетот е 800 денари. Зошто ваквите вечери толку ретко стигнуваат на насловните страници?

Операта не продава преку билетарски сајтови, па картите се купуваат на билетарата на Националната опера и балет, каде информации се добиваат на телефонот 02 3118 451.