Москва ѝ порача на Летонија: НАТО чадорот нема да ве спаси – директен удар во членот 5

Русија испрати нова закана кон еден од најмалите членови на НАТО. Заменик-министерот за надворешни работи Михаил Галузин предупреди дека Летонија не може да смета на заштитата на алијансата ако учествува во напади врз руска територија. Пораката, пренесена преку руски медиуми, е директна и ладна.

Тврдењето на Москва е дека Украина се подготвува да лансира дрон-операции од балтичките држави, за да го скрати времето на летот до руските цели. Според руската служба за надворешно разузнавање, Русија ги следи „центрите за одлучување, местата за лансирање и производството на компоненти за дронови” низ балтичките територии. Со други зборови – Москва јавно кажува дека ги има на нишан.

Најостра беше пораката до Рига: „Ако Летонија наивно верува дека може, под наводниот чадор на НАТО, да учествува во антируски воени провокации без последици, тогаш длабоко се лази.” Ова е директно предизвикување на членот 5 – темелот на целата алијанса, кој вели дека напад врз еден член е напад врз сите.

Тука лежи вистинската тежина за секој што живее во мала држава заклештена меѓу големи сили. Целата смисла на едно НАТО членство е ветувањето дека никој нема да те дира затоа што зад тебе стои цела алијанса. Кога Москва отворено пробува да ја разниша токму таа претпоставка – да посее сомнеж дали чадорот навистина ќе се отвори кога ќе затреба – таа не напаѓа Летонија, туку самата вербата во системот. А без таа верба, секое членство е само потпис на хартија.