Никола Поповиќ со стенд-ап „У наше време..“ во Паблик рум на 11 ноември – како живееле нашите родители, а како живееме ние

Секој во Македонија барем еднаш ја слушнал реченицата „У наше време беше друго!“. Никола Поповиќ од неа направи цел стенд-ап настап. „У наше време..“ е на 11 ноември, во 21 часот, во Паблик рум.

Темата е споредбата меѓу генерациите: како живееле нашите родители, а како живееме ние. Љубов, брак и деца, работа, пари и секојдневни глупости, сè мерено со аршинот на татко ти, според кого порано сè било подобро. Освен, како што вели најавата, можеби неговите одлуки.

Насловот со двете точки на крајот не е грешка. Секоја приказна на татко ти има продолжение, секоја споредба завршува со лекција, а секоја лекција почнува со „Слушај сега, да ти кажам јас…“. Поповиќ прашува дали навистина било подобро во нивно време или тогаш едноставно немало Фејсбук каде луѓето ќе се жалат.

Билетот чини 600 денари и се купува преку tix.mk. Во Паблик рум се плаќа само со картичка.