Од денеска стапуваат во сила новите измени на Законот за безбедност на сообраќајот на патиштата (ЗБСП) со кои се воведуваат казни за сите пешаци и возачи што користат мобилни и други електронски уреди за време на учество во сообраќајот.

Пешаците ќе бидат санкционирани ако:

• преминуваат коловоз додека разговараат на мобилен телефон,

• користат слушалки во двете уши,

• користат смарт часовници или таблети.

Истите правила важат и за возачи на: велосипед, мопед, мотоцикл, трицикл, четирицикл и електричен тротинет. Исклучок се само специјализираните уреди за комуникација вградени во заштитните шлемови.

Републичкиот совет за безбедност на сообраќајот нагласува дека целта на измените е:

• зголемување на безбедноста на патиштата,

• намалување на ризиците и бројот на сообраќајни незгоди,

• заштита на човечки животи.

 Апел до сите учесници во сообраќајот: почитувајте ги правилата, затоа што безбедноста е заедничка одговорност!