Иако судењето за главните осомничени за трагичниот пожар во дискотеката „Пулс“ во Кочани е веќе започнато, истрагата не завршува тука. Според информации на Плусинфо.мк, во проширената истрага се опфатени уште 11 лица – службеници и раководни лица од Управата за јавни приходи (УЈП) и Државниот пазарен инспекторат (ДПИ).

Пожарот во „Пулс“ е најтешката трагедија во поновата историја на државата, во која загинаа 63 млади луѓе, а повеќе од 200 беа повредени.

Дел од вработените во институциите се веќе уапсени, а против сите се покренати кривични пријави за серија тешки дела, меѓу кои:

• злоупотреба на службена положба,

• примање поткуп,

• давање поткуп,

• фалсификување исправа,

• оддавање службена тајна,

• примање или давање награда за противзаконито влијание.

Кои лица се опфатени со истрагата?

🔹 Д.П. (УЈП – Штип)
Теретен за „примање поткуп“ и „оддавање службена тајна“. Лишен од слобода, ќе се бара притвор.

🔹 Д.Д. (УЈП – Штип)
Кривично дело „примање поткуп“ и „примање награда за противзаконито влијание“. Лишен од слобода, ќе се бара притвор.

🔹 М.Ј. (поврзан со „Пулс“)
Осомничен за „давање поткуп“ и „давање награда за противзаконито влијание“.

🔹 Д.Ч. (УЈП – Струмица, живее во Гевгелија)
Осомничен за злоупотреба на службена положба и фалсификување службена исправа.

🔹 А.Ч. (УЈП – Струмица, живее во Гевгелија)
Исти дела како Д.Ч. Лишен од слобода.

🔹 А.К. (УЈП – Струмица)
Исти кривични дела. Лишен од слобода.

🔹 А.Ч. (УЈП – Струмица, живее во Валандово)
Злоупотреба на службена положба и фалсификување службена исправа.

🔹 Н.Т. (УЈП – Штип)
Осомничена за злоупотреба на службена положба. Лишена од слобода.

🔹 А.К. (УЈП – Штип)
Исто кривично дело. Лишен од слобода.

🔹 В.К. (ДПИ – Кочани)
Се сомничи за „оддавање службена тајна“.

🔹 Д.Ј. (поврзан со „Пулс“)
Осомничен за „фалсификување исправа“.

МВР и Обвинителството посочуваат дека истрагата продолжува да се продлабочува и дека ќе бидат опфатени сите лица кои придонеле до незаконското работење на објектот, пропустите во контролите и прекршувањето на процедурите што довеле до пожароносната трагедија.

Институциите најавуваат дека нема да има селективност и дека се проверуваат сите линии на одговорност – од инспекциски служби, административни лица, па се до поврзани приватни субјекти.