Работник загина на градилиште во Кисела Вода. Инвеститор на објектот е Ивица Коневски, поранешен градоначалник на Општина Аеродром. Фирмата „Нар Инвестмент” ДООЕЛ Скопје, со Коневски како сопственик, е регистрирана во ноември 2025 на улицата „Петар Поп Арсов” во центарот на градот.

Коневски за медиумите изјави дека „не може да зборува бидејќи е многу потресен”, но појасни дека изведувач е фирмата „Јакимовски” ДООЕЛ. Очекува истрагата да ја утврди причината, но тврди дека сите потребни дозволи биле обезбедени. Предраг Јакимовски е сопственик на фирмата-изведувач.

Три повредени работници биле извлечени од градилиштето и примени во Ургентниот центар. Еден има скршени нозе, двајца полесни повреди. Што точно се случило на тој ископ за темели – сè уште се испитува.

Поранешен градоначалник гради, работник гине, а дозволите наводно се во ред. Колку пати ја слушаме истата приказна? Дозволата е на хартија, работникот е под земја, а одговорноста – никаде.