Романски F-16 симна беспилотна летелка што влезе во романскиот воздушен простор – и повторно НАТО остана буден цела ноќ поради нешто што почна над Украина, а заврши над членка на Алијансата. Претседателот Николае Чука соопшти дека инцидентот се случил околу 11 часот над ненаселен терен, па пресретнувањето поминало без ризик за цивили.

Според одбранбеното министерство, дронот бил уништен во близина на Падина во округот Бузау, во источна Романија. Целата ноќ пред тоа романските радари фаќале група дронови кон границата со Украина, а властите крена аларм во округот Тулча. Околу 00:10 воздушни цели биле регистрирани околу 33 километри северно од Дунав, точно додека Русија удирала по украински цели од другата страна.

Романското воздухопловство кренало и хеликоптер IAR-330 Puma за надзор. Националниот воен командниот центар ги известил службите за итни случаи, кои во 00:56 испратиле RO-Alert предупредувања до граѓаните. Воздушната опасност била прогласена за завршена во 01:33. Министерството потоа тврди дека немало неовластено навлегување во воздушниот простор ниту паднати летала на романска територија.

Романија дели околу 650 километри копнена граница со Украина и е членка и на НАТО и на ЕУ. Руски дронови веќе повеќе пати ѝ го прекршиле воздушниот простор – секој пат приказната е иста: аларм, ловечки авиони во воздух, соопштение дека сè е под контрола. До следната ноќ.

А прашањето што виси над цел овој дел од Европа е простo: колку долго „случајно” паднат дрон над членка на НАТО останува само инцидент? Балканот добро знае колку тенка е линијата меѓу „нема причина за паника” и утрото кога веќе е доцна. Романија е на неполни 500 километри од нас. Војната што сите ја гледаат како далечна, секоја ноќ прави по еден чекор поблиску.