Xiaomi продолжува да ја засилува својата позиција на премиум пазарот. На конференцијата MWC 2026 во Барселона официјално беа претставени Xiaomi 17 и Xiaomi 17 Ultra за европскиот пазар, а паралелно пристигнаа информации и за серијата 17T која ќе излезе дури четири месеци порано од вообичаениот термин.

Xiaomi 17 Ultra е опишан како „најтенок и најлесен Ultra модел досега”, додека Xiaomi 17 е насочен кон корисниците кои бараат покомпактно флагшип-искуство. Двата уреди се опремени со процесорот Qualcomm Snapdragon 8 Elite Gen 5, располагаат со IP68 сертификација за отпорност на вода и прашина, а камерите се развиени во соработка со Leica. Продажните цени во Европа се: 17 Ultra по 1.499 евра и 17 по 1.099 евра.

Исто така, Leica Camera AG и Xiaomi заедно го претставија ексклузивниот Leica Leitzphone – уред кој претставува најдлабокото партнерство на Leica со производител на паметни телефони. Телефонот содржи специјален „Leica Camera Ring” – физички прстен около модулот за камера, а интерфејсот е прилагоден за фотографска екселентност. Уредот е инспириран од легендарните Leica M серии.

Кога станува збор за серијата Xiaomi 17T, извори од Кина сугерираат лансирање во мај наместо традиционалниот септемвриски термин. Стандардниот 17T ќе користи MediaTek Dimensity 8500 процесор, додека Pro верзијата добива врвен Dimensity 9500 чип. Батеријата на стандардниот модел се зголемува на 6.500 mAh, а Pro верзијата задржува перископски телеобјектив со 5x оптичко зумирање.

Xiaomi со овие лансирања директно ги напаѓа Apple и Samsung во премиум сегментот, нудејќи конкурентни спецификации по поконкурентни цени.