Доналд Трамп нареди. Американската морнарица слуша. Сè што постави мини во Ормускиот мореуз – ќе биде уништено. Без двоумење, без преговори, без дипломатски јазик. Објавата на Truth Social го кажува тоа директно и со големи букви.

„Наредив на американската морнарица да пука и уништи секој брод, без разлика колку е мал, кој поставува мини во водите на Ормускиот мореуз. Не смее да има колебање”, напиша Трамп. Додаде дека сите 159 воени бродови на Иранската револуционерна гарда се „на дното на морето” и дека операциите за расчистување мини продолжуваат со тројно зголемен интензитет.

Ова е 55-тиот ден од конфликтот на Блискиот Исток според американското броење. Трамп не преговара – тој објавува. Иран не попушта – тој минира. Помеѓу нив е мореуз низ кој поминува петтина од светската нафта.

Колку далеку е ова од нас? Колку наивно е да се мисли дека затворањето на Ормуз нема да се почувствува на секоја бензинска пумпа од Скопје до Загреб? Кога големите се тепаат, малите плаќаат сметка – тоа на Балканот го знаеме одлично.