Phillgood Festival 2026 во Пловдив од 17 до 19 јули – Де Кјур, Гориласи и Моби со три ноќи на Гребен канал

Phillgood Festival, новиот тридневен фестивал на бугарската продукциска куќа Fest Team, прави своја премиера од 17 до 19 јули 2026 година на Гребен канал во Пловдив. Лајнапот е еден од најсилните што е икогаш собран на еден фестивал на Балканот – Де Кјур, Гориласи и Моби како хедлајнери низ трите ноќи, заедно со уште бендови кои треба да се објават.

Де Кјур, британските готик-рок легенди со фронтменот Роберт Смит, ќе настапат во петок, 17 јули. Бендот од Кроли, со повеќе од 30 милиони продадени плочи и хитови како Friday Im in Love, Lovesong, Just Like Heaven и Boys Dont Cry, се една од најпрепознатливите фигури на британската алтернативна сцена. Нивниот последен албум Songs of a Lost World од 2024 година имаше неверојатен критички и комерцијален успех, и стана првиот албум на бендот кој дојде до број еден на британската листа од 1992 година наваму.

Гориласи, виртуелниот бенд на Дејмон Алберн и Џејми Хјулет (Blur), настапуваат во сабота, 18 јули. Со 10 студиски албуми, концерти познати по визуелните анимации и долгата листа на гости (Snoop Dogg, De La Soul, Lou Reed, Bobby Womack), Гориласи се едни од најкреативните пројекти во современата популарна музика. Во неделата, 19 јули, на сцената е Моби – американскиот електронски пионер чиј албум Play од 1999 година е еден од најпуштаните албуми во историјата.

Билетите се достапни преку ticketstation.bg. Гребен канал во Пловдив е една од најголемите летни фестивалски сцени во Бугарија. Пловдив е лесно достапен со кола или автобус од Скопје за околу шест часа. За македонските фанови ова е најголемиот фестивалски настан во соседство во 2026 година.