Гужвата на границата за Грција – прогноза 7 дена однапред

Веќе не мораш да погодуваш кога ќе тргнеш за Грција

Секој што со кола оди на одмор во Грција ја знае истата мака – тргнуваш наутро полн со надеж, а на Богородица те чека колона од неколку часа. Досега единствената тактика беше да прашаш пријатели или да се надеваш на среќа. Сега на metla.mk имаш нешто поконкретно: прогноза за гужвата на границата, за секој од следните седум дена.

Работи едноставно. Го отвораш часовникот во водичот за Грција, го избираш денот кога планираш да патуваш, и добиваш слика по час – зелено значи слободно, портокалово значи гужва, црвено значи дека тогаш подобро не тргнувај. Прогнозата е базирана на податоци од Nakordoni и покрива и одење и враќање, за двата правци.

Покрај прогнозата, страницата ти покажува и колку е гужвата во моментот – во живо, преку камерите од трите премини. Така пред да седнеш во кола знаеш и каква е состојбата сега, и што те чека во денот што го избираш.

Целата работа е бесплатна и е дел од водичот за одмор во Грција, каде ги имаш и трошоците, документите и сето друго што ти треба за патувањето.