Барселона фламенко балет ја изведува својата нова продукција „Ромео и Јулија“ во мтс дворана во Белград на 8 ноември од 20 часот. Шпанската компанија ја опишува како својот најамбициозен проект досега.

Компанијата ја основа Давид Гутиерез во 2017 година, а првиот спектакл, „Tiempo Nuevo“, го прикажа на 9 јуни истата година во театарот Бартс во Барселона. Оттогаш класичните дела ги прилагодува на традицијата на фламенкото. Последната голема продукција пред оваа беше „Кармен“, според операта на Жорж Бизе.

Шекспировата трагедија тука е раскажана низ страста на фламенкото, суптилноста на современиот танц и богатството на џезот. Непријателството меѓу Монтеки и Капулети престанува да биде само буквален судир и станува метафора за внатрешните и надворешните конфликти на човекот. Музичарите на сцената, со разновиден инструментален состав, свират партитура што оди од носталгични мелодии до импровизации, па секоја изведба добива нешто свое. Приказна за две фамилии што се мразат генерации наназад – публиката на Балканот нема да има потреба од објаснување.

Влезниците почнуваат од 3.900 динари преку tickets.rs.