Мексико е потресено од бран на насилства откако стана познато дека нарко-босот Немесио Осегера Сервантес, попознат под прекарот Ел Менчо, загина во притвор набрзо по неговото приведување. Специјалните сили го фатиле во мексиканскиот регион Халиско, но тој починал од повреди задобиени при престрелка со неговите телохранители при транспортот кон Мексико Сити. Во акцијата загинале шест негови заштитари и три припадника на мексиканската армија.

По вестите за неговата смт, низа мексикански сојузни држави го зафати масовно насилство. Во хаосот загинале барем 73 до 74 лица, а ранети се уште стотина. Во само неколку часа, инцидентите се забележани во близу 20 од вкупно 32 сојузни држави, меѓу кои Халиско, Михоакан, Агуаскалиентес, Тамаулипас и Гванахуато.

Мексиканскиот министер за одбрана потврди дека дополнителни 2.500 военици се испратени во западниот дел на земјата, покрај 10.000 кои веќе биле распоредени во регионот. Единиците на Националната гарда исто така претрпеа тешки загуби — барем 25 гардисти загинаа во судирите во Халиско.

Претседателката Клаудија Шеинбаум се обиде да го смири јавното расположение изјавувајќи: „Мексико е мирно. Се разбудивме без блокади на патиштата и сите активности продолжуваат.” Меѓутоа, сликите и видеата кои се шират на општествените мрежи покажуваат поинаква слика — запалени возила и блокирани коридори.

Ел Менчо беше лидер на картелот CJNG (Картел Халиско Нуево Генерасион), едно од најмоќните и најжестоките организирани криминални тела во Мексико и пошироко. Неговото отстранување ја отвора прашањата за тоа кој ќе го преземе командувањето на картелот и дали ќе следува уште посилна внатрешна борба за моќ.