САД и Израел можат наскоро да се соочат со нов непријател во конфликтот со Иран – Хутите од Јемен, чие активно вклучување би ги дестабилизирало морските патишта во Персискиот залив и би создало дополнителни закани за американските воени операции.

Новиот ирански врховен водач Мотаба Хаменеи изрази благодарност кон Хезболах во Либан, проирански милиции во Ирак и Хутите во Јемен за нивната поддршка, сугерирајќи дека јеменската група може наскоро да стане активен учесник во конфликтот.

Хутите, опишани како “воено-политичко движење кое се смета за дел од иранската Оска на отпорот”, претходно го нарушија комерцијалниот сообраќај во Црвеното Море во 2024 година. Регионалните аналитичари предупредуваат дека нивното активно вклучување би можело да отвори дополнителни конфликтни фронтови, потенцијално загрозувајќи ги Израел, Саудиска Арабија и ОАЕ.

Трамповата администрација ги прогласи Хутите за терористичка организација, поништувајќи ја одлуката на претходната администрација. Односите меѓу САД и Хутите во последно време беа нестабилни – со американски воздушни удари, обори на дронови и привремени примирја.