Социјалистичката партија на Македонија реагираше по апсењето на нејзиниот заменик-претседател Васе Анакиев, повикувајќи ги надлежните институции да постапуваат според закон, одговорно и без селективност.

Партијата ја изрази посветеноста кон „чесно и одговорно работење на сите државни органи и институции” и ги искажа очекувањата дека „новите демократски власти ќе го воспостават владеењето на правото”.

Истовремено, Социјалистичката партија ги критикуваше „напаѓачкото партиско етикетирање на тековните случаи со тешки обвинувања и тенденциозното објавување на фотографии кои го кршат човековото достоинство”.

Партијата побара институциите да преземат активности „во откривање на секој случај каде постојат основани сомневања за извршено кривично дело или злоупотреба на службената должност”, нагласувајќи дека правдата мора да биде еднаква за сите.