Саудиска Арабија и Обединетите Арапски Емирати размислуваат за поактивно вклучување во конфликтот со Иран, пренесува Вол Стрит Џурнал. Заливските држави, кои досега одржуваа претпазлива позиција, наводно губат трпение пред иранските закани.

Според извори блиски до дипломатските канали, „трпението не е неограничено” – заливските земји сè повеќе се чувствуваат загрозени од иранските ракетни напади и затворањето на Хормушкиот Теснец кој е клучен за нивниот извоз на нафта.

Аналитичарите предупредуваат дека вклучувањето на богатите заливски монархии во конфликтот драматично би ја променило рамнотежата на силите во регионот и би можело да предизвика уште поголема ескалација. Саудиска Арабија располага со една од најмодерните воени сили на Блискиот Исток, а ОАЕ неодамна значително ги зголемија своите одбранбени капацитети.

Засега, двете земји официјално не потврдуваат промена на политиката, но дипломатските сигнали укажуваат дека одлуката за поактивна улога станува се поизвесна.