Портпаролот на Кремљ, Дмитриј Песков, го коментираше обидот за диверзија на гасната инфраструктура во Србија, предупредувајќи дека ситуацијата е потенцијално многу опасна.

„Ситуацијата е потенцијално многу опасна. Знаеме дека инфраструктурата и различните делови на Турскиот ток и Плавиот ток повеќепати биле нападнати”, изјави Песков.

Тој нагласи дека заканите не се сметаат за изолиран инцидент, туку како дел од поширок безбедносен притисок на правците по кои рускиот гас стигнува до Европа. Москва добро знае дека различни делови на двата гасовода веќе биле на удар.

Иако Кремљ засега не изнесува конкретни обвинувања за извршителите на обидот за напад на гасоводот во Србија, Песков подвлече дека станува збор за витална енергетска артерија на европска територија која работи под исклучително голем притисок.

Песков порача дека очекува Србија и Унгарија да ги преземат сите мерки за заштита на овие инфраструктурни правци, како и Анкара да му пренесе на Зеленски дека нападите се неприфатливи.