Лавров во Пекинг не витка: Европската унија сака Србија да биде „тампон зона” против Русија. Два услови на масата – признавање на Косово и санкции против Москва. Земи ги или заборави на ЕУ.

„Претседателот Вучиќ повеќепати рече дека нема да оди во Европската унија под антируски услови. Ние го почитуваме таквиот став,” изјави рускиот министер за надворешни работи. Со други зборови: Русија е задоволна додека Србија е заглавена меѓу два стола.

Лавров го нарече ова „антисрпска суштина” на Брисел. Но дали навистина е антисрпска – или е антируска, а Србија едноставно е на пат? Белград е во позиција која на Балканот ја знаеме премногу добро: секој сака да те привлече, никој не ти дава доволно за да останеш.

Интересно е што ова го кажува човекот чија земја води војна во Европа, од Пекинг – градот на „алтернативниот светски поредок.” За интегративна инфраструктура на Балканот зборуваше Лавров. За руски гасоводи и кинески автопатишта, додаваме ние. Прашањето за Србија е старо: може ли вечно да седиш на две столици?