Procesi i bashkimit të koalicionit VLEN ka hyrë në fazën e vendimeve konkrete dhe të pakthyeshme, pasi edhe Alternativa iu bashkua subjektit të ri politik Vredi.

"Vendimi i Alternativës thjesht konfirmon atë që ishte e qartë për të gjithë ata që e ndjekin këtë zhvillim. Procesi i bashkimit ka filluar dhe nuk ndalet", thuhet në njoftimin e Vredi-t.

Më parë, edhe konstituentët e tjerë të VLEN-it - lëvizjet BESA, Lëvizja Demokratike dhe AA - kishin bërë të njëjtin hap, duke pezulluar organet e tyre, duke demonstruar pjekuri politike dhe vetëdije të lartë për nevojën e konsolidimit.

Nga Vredi theksuan se bashkimi buron nga nevoja shumëvjeçare e shqiptarëve për përfaqësim të bashkuar, dinjitoz dhe të përgjegjshëm. "E ardhmja u përket atyre që kanë vizion dhe guxim ta ndërtojnë, e jo atyre që mbeten të lidhur pas logjikave të vjetra", thuhet në njoftim.