Koreja e Veriut sërish lëshoi projektile balistike - këtë herë drejt lindjes, sipas agjencisë jugkoreane Yonhap. Autoritetet japoneze e konfirmuan incidentin. Ky është lëshimi i shtatë këtë vit dhe i katërti vetëm në prill.

Profesori Lim Eul-çul nga Universiteti Kjungnam në Korenë e Jugut mendon se Pheniani po shfrytëzon momentin ndërsa Amerika është e fokusuar tek Irani. Ndërsa bota shikon drejt Ngushticës së Hormuzit, Kim Xhong Un e teston arsenalin e vet.

Projektilet ranë jashtë zonës ekskluzive ekonomike të Japonisë. Teste të tilla shkelin rezolutat e Këshillit të Sigurisë të OKB-së - por Pheniani i refuzon kufizimet, duke pretenduar se ato cenojnë sovranitetin dhe të drejtën për vetëmbrojtje.

Bota ka shumë fronte - Iran, Ukrainë, Tajvan. Koreja e Veriut nuk dëshiron të harrohet. Dhe sa herë që ndonjë konflikt tjetër e tërheq vëmendjen, Pheniani kujton se është këtu.