„Голдман Сакс” ја зголеми прогнозата за цената на нафтата откако блокадата на Хормускиот теснец предизвика „екстремно” намалување на глобалните резерви. Брент нафтата сега се очекува да достигне просек од 90 долари за барел во четвртото тримесечје – споредено со претходната прогноза од 80 долари. Аналитичарите проценуваат дека глобалните резерви паднале за 11-12 милиони барели дневно само во април.

Загубата на 14,5 милиони барели дневно во производство од Персискиот залив е, со нивни зборови, „не одржлива”. Ако шокот продолжи, дополнително намалување на побарувачката е неизбежно – а тоа значи поголем притисок врз цените на сè, не само на горивото. Бурзите на фјучерси последен пат ги видоа цените над 107 долари за барел.

Морган Стенли проценува дека извозот на нафта преку Залив е намален за 14,2 милиони барели дневно поради затворањето на теснецот, со директно намалување на глобалните резерви за уште 4,8 милиони барели дневно. Комбинирано – бројки кои никој не ги паметел уште од нафтените кризи на 70-тите.

Нормализирањето на Заливскиот извоз се очекува дури до крај на јуни, наместо до средината на мај, со побавно закрепнување во регионот. Македонија, која 100% зависи од увезена нафта, сега гледа директно во лицето на ценовен шок за кој немаме домашен одговор. Само прашање е – кога и колку ќе се почувствува на пумпите.