Ескалацијата на конфликтот на Блискиот исток ги менува глобалните економски соодноси, а Русија се наметнува како еден од главните добитници на оваа нестабилност. Порастот на цените на нафтата и природниот гас директно ги зголемува приходите на руската државна каса, додека другите економии се соочуваат со зголемен притисок.

Според економски аналитичари, геополитичката нестабилност создава јасни економски поделби. Земјите кои извезуваат нафта, пред се Русија, добиваат релативна предност, додека европските економии кои увезуваат енергенси трпат дополнителни трошоци.

Персиските монархии и Европа се соочуваат со сериозни економски последици – одливот на капитал, зголемените цени и осиромашените потрошувачи ги погодуваат паралелно, предупредуваат аналитичарите.

Конфликтот, исто така, го поместил меѓународното внимание од Украина, намалувајќи го притисокот врз руската политика. Во услови на продолжена нестабилност на Блискиот исток, Москва ужива двострана геополитичка корист.