Советот на Европската Унија се обиде да го покрене прашањето за членство на косово, но земјите што не ја признаваат Приштина се спротивставуваат.

Апликацијата на таканареченото „Косово“ за членство во Европската Унија не е официјално разгледана, поради противењето на земјите-членки кои не го признале. Секој обид за покренување дискусија за апликацијата во рамките на Советот на ЕУ е блокиран, а последниот таков пример е забележан минатата недела, кога Словачка се спротивстави, пишува албанскиот „Коха“.

Според дипломатски извори, поединечни претседателства на Советот на ЕУ се обиделе да го покренат прашањето за апликацијата на „Косово“, но овие обиди брзо биле суспендирани поради противењето на државите кои не го признаваат. Така, сегашното данско претседателство завршува без никаков напредок по ова прашање. По Данска, претседателството го презема Кипар, кој е меѓу државите кои остро се спротивставуваат на признавањето на Косово.

Европската комисија, од друга страна, изрази подготвеност да започне со изготвување мислење за тоа дали „Косово“ ги исполнува условите за добивање статус на кандидат, но само ако добие мандат од Советот на ЕУ. За да се покрене постапката, потребна е согласност од сите држави, што очигледно недостасува.

Во дискусиите за нацрт-заклучоците за претстојниот министерски состанок, Словачка изјави дека „се спротивставува на какво било упатување на апликација за членство“.