Украинскиот претседател Володимир Зеленски излезе пред камера со итна порака до Запад – „Решенија се потребни. Чекори кои ќе ја сопрат оваа војна.” Тоа беше реакцијата по еден од најтешките руски комбинирани напади на Киев и околината во последните две години.

Според официјалните украински податоци, Русите лансирале околу 90 ракети различни типови, вклучувајќи 36 балистички, додека ракетниот систем „Орешник” бил употребен против Бела Церква. Зеленски тврди дека ова е едно од најнапредните и најбрзите оружја на Москва – со хиперсонична брзина и носивост за повеќе бојеви глави.

Според украинските извори, најмалку 83 лица се повредени уште од полноќ, со потврдени смртни случаи. Видеата од социјалните мрежи покажуваат густ чад, пожари и широко распространета штета низ Киев. Зеленски побара одлуки од САД и Европа за итно зацврснување на воздушната одбрана.

Сепак, во Telegram каналите се појавија и сомневања – дали видео-обраќањето на Зеленски е снимено во некоја „undisclosed location” со зелен екран зад него? Тонот на снимката е едноставен: човек кој моли, не наредува. Прашањето е дали ова е дозволена слабост во моментот на криза, или сигнал дека украинската влада ги исцрпува западните партнери со повторливи апели за помош.

За балканскиот регион, секој ваков напад е потсетник дека војната на Истокот не е завршена. Дроновите, ракетите, превозот на оружје преку наша територија – тоа се прашања кои државите од регионот не можат да си дозволат да ги игнорираат. Кога Зеленски моли, ние во соседството треба да слушаме.