Со 77 гласа за и 8 против, Собранието го поддржа предлогот на ВМРО-ДПМНЕ пратениците да имаат исклучиво македонско државјанство. Иницијативата ја поднесоа петмина пратеници предводени од Антонио Милошоски – а таргет се петмина колеги за кои се тврди дека имаат бугарски пасош.

Координаторот на СДСМ Оливер Спасовски ја нарече иницијативата „чист популизам”, но истовремено ја поддржа – и побара забраната да важи за сите именувани и избрани функционери, не само за пратениците. Партијата на пензионери исто бара проширување на сите нивоа.

Од „Европскиот фронт” Скендер Реџепи се противи – тврди дека мерката е неуставна. Либерално-демократската партија бара униформни стандарди веднаш за сите функционери.

Дафина Стојаноска од ВМРО-ДПМНЕ ги нарече обвинувањата „балон од сапуница” кој ќе пукне. Но прашањето останува: ако повеќето европски демократии го дозволуваат двојното државјанство за функционери, зошто ние правиме исклучок? Одговорот е во Софија, не во Брисел – и сите го знаат тоа.