Тринаесет години од потпишувањето на Бриселскиот договор. Заедницата на српски општини (ЗСО) сè уште не е формирана. Српскиот претседател Александар Вучиќ на годишнината беше директен: „Нема да го признаеме Косово.”

„Слушаме лаги 13 години”, додаде Вучиќ – и за еднаш, тешко е да му се противречи. Бриселскиот договор од 2013 требаше да ги нормализира односите меѓу Белград и Приштина. ЗСО, клучната точка за автономија на српските енклави во Косово, требаше да биде формирана веднаш. Тринаесет години подоцна – ништо.

Ова не е само белградско-приштински проблем. Ова е лекција за целиот Балкан: меѓународните договори вредат точно толку колку што некој е спремен да ги спроведе. Кога ЕУ посредува, а потоа 13 години гледа како едната страна не ги исполнува обврските – каква порака испраќа тоа до Скопје, Тирана или Сараево? Дека потписите на хартија се само фотографија за архива.