Американската армија удри брод во источниот Пацифик и уби двајца луѓе. Официјалната изјава беше кратка и самоуверена: “нарко-терористи”, “познати трафикантски рути”, “без повредени меѓу нашиот персонал”. Во придружниот видеоматеријал – 16 секунди термална снимка, натпис “UNCLASSIFIED”.

Ова не е изолиран инцидент. Од септември лани, со авторизација на Трамповата администрација, американски единици извршиле повеќе вакви удари во источниот Пацифик – со вкупно преку 170 загинати. Бројот расте тивко, без поголемо внимание во западните медиуми.

Human Rights Watch и Amnesty International веќе поставија правни прашања: дали вакви операции се законски? Американската граѓанска унија за слободи ги отфрли владините тврдења за “нарко-тероризам” како “неосновани тврдења кои шират страв.”

Механизмот е прост и навистина загрижувачки: некој во командниот ланец одлучува дека бродот пренесува дрога. Нема суд, нема претрес, нема верификација пред широката јавност. Двојца мртви, шеснаесет секунди видео, соопштение за јавноста. Готово.

Дали овие луѓе навистина биле трафиканти? Можно е. Дали тоа ја оправдува ликвидацијата без судски процес? Тоа е прашањето на кое Вашингтон сè уште нема дадено јасен одговор – а бројот на загинати меѓувреме расте.