Циклонска плима ја поплави Далмација: Морето влегуваше по куќите, жителите кревале бариери

Циклонска бура над Јадранот предизвика масовно поплавување на далматинскиот брег во Хрватска. Морскиот талас, засилен со силни јужни ветрови и поројни дождови, го кренал нивото на морето за речиси 60 сантиметри над нормалниот водостај, плавејќи ги приобалните населби со морска вода.

Највисоки нивоа на водата беа регистрирани во Каштела, Сплит и Трогир, каде морето во текот на ноќта пробило во пониските делови на брегот. Кај Каштел Нови и плажата Габине, водата ги преплавила патиштата и пристаништата, принудувајќи ги жителите да кренат импровизирани бариери од штитови и вреќи со песок за да ги заштитат своите домови.

Особено впечатливи сцени пристигнаа од Шибеник, каде лебеди пливаа по поплавените улици — слики кои брзо се прошириле на општествените мрежи и ја илустрирале размерата на поплавите. Жителите на крајбрежните општини пријавуваа дека морето буквално им влегувало по домовите.

Јужниот ветер достигна брзина и до 90 километри на час во северниот Јадран, а во Сплит поморскиот сообраќај беше целосно прекинат. Дополнително, Истра прими около 20 литри дожд по квадратен метар. Екстремното невреме ги зафати и островите, кои остана отсечени со часови.

Хрватските метеоролози предупредија за продолжена опасност од поплави на изложените крајбрежни зони и Чиово. Иако не се очекуваше нова екстремна циклонска плима, предупредувањата за висок бранови удар и услови опасни за пловидба останаа на сила.