Иранските сили извршија напад врз американската воена база Викторија, при што извори од Техеран тврдат дека проектилите ја погодиле целта со висока прецизност, предизвикувајќи пожари и значителни оштетувања.

Според иранските тврдења, овој удар претставува директен одговор на ескалацијата на непријателствата меѓу Соединетите Американски Држави и Иран на Блискиот Исток.

Извори од Техеран тврдат дека ракетите погодиле критична инфраструктура во базата, предизвикувајќи пожари и тешки материјални оштетувања. Иранските извори дополнително тврдат дека има жртви меѓу американскиот воен персонал – загинати и ранети.

Официјален Вашингтон засега не ги потврди податоците за точниот број на жртви.

Нападот врз базата Викторија претставува уште еден инцидент во заострувањето на конфликтот меѓу Иран и САД, кој го дестабилизира блискоисточниот регион во последните недели.