Рускиот театар во Белград ја игра претставата „Пушкин.Случаји“ во Ложионица на 14 октомври од 20 часот. Се игра на српски јазик, со руски титлови.

Основата се „Белкиновите раскази“ на Александар Пушкин – „Виулица“, „Истрел“, „Поштенскиот началник“ и „Селанката“. Режисер и сценограф е наградуваниот руски режисер Филип Виноградов, кој од 2022 година живее и работи во Белград. Играат Даниел Ковачевиќ, Евгенија Ешкина Ковачевиќ, Никола Штрбац и Раде Маричиќ.

Претставата отвора прашања за личната слобода, судбината и влијанието на случајноста, општествените структури и историските сили врз поединечниот живот. Пушкин од почетокот на 19 век, прочитан денес во Белград од руски уметници што таму го најдоа новиот дом – доволно слоевит контекст и без режисерска интерпретација.

Влезниците се 1.000 динари преку tickets.rs. Ложионица се наоѓа на улицата Идеја 2 во Белград.