Клубот Ребел во Охрид ова лето го претвора езерскиот брег во една од најсериозните техно дестинации во регионот. Од јули до крајот на август, на неговата сцена се редат имиња кои вообичаено се слушаат на Ибица и во берлинските клубови, а не на педесетина километри од Битола – глобално познати ди-џеи кои доаѓаат по цела летна серија настапи.

Серијата ја отвора Ании на 11 јули, а веднаш потоа доаѓа едно од најголемите имиња на целата програма – Саша на 25 јули. Велшанецот Александар Коу, познат едноставно како Sasha, е една од живите легенди на прогресив хаусот и техното: неговиот „Xpander” и денес се смета за еден од најдобрите транс-нумери воопшто, а серијата микс-албуми „Northern Exposure” што ги правеше со Џон Дигвид ја обликуваше целата електронска сцена во деведесеттите. Ремиксирал за Мадона, Моби и The Chemical Brothers.

Календарот продолжува со Накадиа на 18 јули, тајландската ди-џејка со светска кариера, потоа Виктор Руиз на 2 август и Кристијан Смит на 8 август – двајца тешки играчи на современата техно сцена кои заедно го создадоа проектот „Drone Sector”. Серијата ја затвораат Ана Ројш на 15 август и Адриана на 22 август. Сите настапи почнуваат околу полноќ и одат до утрото, во формат на вистински клупски сет.

Билетите за поединечните вечери се на цена од 500 денари и се достапни преку mktickets.mk. За љубителите на електронската музика во Македонија, ова е ретка прилика да ги видат овие имиња без да патуваат до странство – и тоа со Охридското Езеро како позадина.