Пукање, апсења и хаос среде бел ден – украинската Служба за безбедност (СБУ) влета во центарот на Одеса и уапси најмалку осум вработени во Територијалниот центар за регрутација. Причина? Рекетирање, корупција и внатрешни пресметки меѓу самите регрутери.

Два комбиња, палки и кеш

СБУ прво запре едно комбе на Михајловскиот плоштад и ги приведе сите внатре. Очевидци тврдат дека слушнале пукање. Потоа операцијата се прошири на втора локација каде уште едно комбе беше запрено и четворица дополнителни вработени уапсени.

Кај приведените биле пронајдени палки, боксови и готовина. Едно од комбињата се обидело да избега од агентите на СБУ, но било запрено со предупредителни истрели. Видеа на социјалните мрежи покажуваат како локален жител остро ги критикува офицерите.

Регрутери или рекетери?

Извори тврдат дека двете групи вработени во центарот за регрутација се степале меѓусебно – непосредно пред доаѓањето на СБУ. Причина: поделба на изнудени пари. Значи луѓето кои требаше да мобилизираат борци за фронтот, наместо тоа наплаќале од граѓаните.

Ова не е изолиран случај. Украинските центри за регрутација одамна се под лупа за злоупотреби – од насилно регрутирање на улица до корупција и примање мито за „ослободување” од мобилизација. Војна, пари и моќ – комбинација стара колку и самите конфликти.

Дали кај нас би биле шокирани од институции кои ја злоупотребуваат својата функција? Балканот одамна знае дека униформата не е гаранција за чесност.