Собраниската Комисија за политички систем денес ги разгледува законските измени за укинување на техничката влада – механизмот кој три пати беше активиран во Македонија: 2016 (Емил Димитриев, ВМРО-ДПМНЕ), 2020 (Оливер Спасовски, СДСМ) и 2024 (Талат Џафери, ДУИ).

Заменик-министерот за јавна администрација Лазе Јакимоски објаснува дека техничката влада била „привремено решение за време на изразена политичка и институционална криза” за да обезбеди изборен консензус. Предложените измени целат да создадат стабилна правна рамка преку уставните институции.

Од СДСМ се категорични: „Не се создадени услови за укинување на техничката влада и мора да остане.” Филипче е директен – системот е заробен, државата не е зрела за ова, а власта сака „шверцерски” да го укине единствениот механизам за контрола на изборниот процес.

И двете страни имаат точки – но ниту една нема одговор на суштинското прашање: ако се укине техничката влада, кој гарантира фер избори? Институциите? Истите институции кои тројца премиери морааа да ги заменат за да се одржат избори?