Вучиќ: Ако светот биде уништен, крајот започнал на 24 март 1999 година

Српскиот претседател Александар Вучиќ на комеморативниот говор во Врање по повод 27-годишнината од НАТО бомбардирањето во 1999 година изјави дека “доколку дојде до уништување на светот, нема да има сомнеж дека крајот започнал на 24 март 1999 година”.

Вучиќ повтори дека секој конфликт кој денес се води во светот не започнал вчера, туку на 24 март 1999 година, кога НАТО ја започна воената кампања против Србија.

Комеморацијата се одржа на ден кога Србија традиционално се сеќава на жртвите од 78-дневната бомбардирачка кампања, во која загинаа стотици цивили и беше уништена значителна инфраструктура низ земјата.

Говорот на Вучиќ доаѓа во период на заострени глобални тензии, со активни конфликти на повеќе фронтови – од војната во Украина до ескалацијата меѓу САД, Израел и Иран.