Нивото на Охридското Езеро на 5 октомври беше на кота од 693,35 метри надморска височина, покажуваат податоците на Управата за хидрометеоролошки работи. Тоа е само четири сантиметри над повеќегодишниот просек за октомври, кој изнесува 693,31 метри, и 25 сантиметри над дозволениот минимум од 693,10 метри.

На 2 октомври разликата над просекот беше пет сантиметри. Најостриот пад бил регистриран меѓу 11 и 13 август, кога водата се спуштила за десет сантиметри за само два дена. Оттогаш езерото продолжува да се повлекува постепено, а тоа се гледа и долж брегот.

Засега нема причина за паника, бидејќи нивото е над просекот. Но четири сантиметри не се голема маргина за езеро какво што е Охридското. Дали некој има план за денот кога таа разлика ќе се стопи до нула?